ගරු අධිකරණ සහ ජාතික ඒකාබද්ධතා අමාත්ය නීතිඥ හර්ෂණ නානායක්කාර මහතා සහ රස පරීක්ෂක දෙපාර්තමේන්තුවේ නිලධාරීන් අතර සාකච්ඡාවක් අද (29) දින බත්තරමුල්ලේ පිහිටි රජයේ රස පරීක්ෂක දෙපාර්තමේන්තුවේදී පැවැත්විණ.
රස පරීක්ෂක දෙපාර්තමේන්තුවේ ක්රියාකාරීත්වය සහ මුහුණ දී ඇති ගැටලු සම්බන්ධයෙන් මෙහිදී සාකච්ඡා විය.
දිගින් දිගටම සිදුවන රස පරීක්ෂක වාර්ථා ලබා දීමේදී සිදුවන ප්රමාදය අවම කර ගැනීම සඳහා අවශ්ය වන නව කාර්ය මණ්ඩල පුරප්පාඩු පිළිබඳව මෙහිදී විශේෂයෙන් සාකච්ඡා කල අතර මේ වන විටත් අවශ්ය බදවා ගැනීම් සඳහා සිදු කල යුතු මූලික වැඩ කටයුතු අවසන් වී ඇති අතර නව බඳවා ගැනීම් සඳහා අවශ්ය ඉදිරි කටයුතු කඩිනමින් සිදු කරන ලෙස නිලධාරීන් වෙත උපදෙස් ලබා දීම මෙහිදී සිදුවූ අතර සාකච්ඡාවෙන් පසුව රස පරීක්ෂක දෙපාර්තමේන්තු පරිශ්රයේ කන්ටේනර් පෙට්ටි ආධාරයෙන් අළුතින් සකස් කරමින් පවතින කාර්යාල පරිශ්රයේ නිරීක්ෂණ චාරිකාවක් සඳහා අමාත්යතුමන් සහභාගී විය.
රජයේ රස පරීක්ෂක (රාජකාරී ආවරණ) ඒම්.ඒ.කේ.කේ.පී. පෙරේරා මහත්මිය, අධිකරණ අමාත්යාංශයේ නිලධාරීන් සහ රස පරීක්ෂක දෙපාර්තමේන්තුවේ නිලධාරීන් පිරිසක් මෙම අවස්ථාවට එක්විය.
- විධිමත් ප්රවාහන පද්ධතියක් ඉදිරියේදී මොරටුවේ ඇති කරනවා.
- මොරටුවේ ප්රවාහන හා මහා මාර්ග ගැටළු වලට විසදුම් ලබා දෙනවා.
ඇමති හර්ෂණ නානායක්කාර මහතා පවසයි.
මොරටුව ප්රාදේශිය ලේකම් කොට්ඨාශයේ පවතින ප්රවාහන හා මහා මාර්ග ගැටළු පිළිබඳ විශේෂ සාකච්ඡාවක් අධිකරණ සහ ජාතික ඒකාබද්ධතා අමාත්ය, නීතිඥ හර්ෂණ නානායක්කාර මහතාගේ ප්රධානත්වයෙන්, ප්රවාහන නියෝජ්ය අමාත්ය ප්රසන්න ගුණසේන මහතාගේ සහභාගිත්වයෙන් මොරටුව ප්රාදේශිය ලේකම් කාර්යාලයේදී ඊයේ (26) පස්වරුවේ පැවැත්විණි.
ප්රවාහන හා මහා මාර්ග සම්බන්ධයෙන් පවතින ගැටළු කිහිපයක් සම්බන්ධයෙන් අවශ්ය නිලධාරීන් සම්බන්ධ කර ගනිමින් එම අවස්ථාවේදීම විසඳුම් ලබාදීමට අවශ්ය කටයුතු සිදු කරන ලදී.
සාකච්ඡාවෙන් අනතුරුව මාධ්යවේදීන් යොමු කරන ලද ප්රශ්න සඳහා පිළිතුරු ලබා දෙමින් අමාත්යවරයා මෙම අදහස් පළ කළේය.
මොරටුවේ විසදීමට නොහැකි ප්රවාහන ගැටළු පැවතුණා. ඒ ගැටළු සම්බන්ධයෙන් සංවර්ධන කමිටුවේ විවිධ අවස්ථාවට සාකච්ඡා වුණා. ප්රවාහන හා මහා මාර්ග සම්බන්ධ නොවිසදුනු ගැටළු පිළිබඳ විධිමත් සාකච්ඡාවක් ප්රවාහන නියෝජ්ය අමාත්යතුමාගේ සහභාගිත්වයෙන් සිදු කරනු ලැබුවා. එහිදී පැවති ගැටළු 18 ක් සම්බන්ධයෙන් සාකච්ඡා වු අතර, ඒ හැම ගැටළුවකටම සාධණීය විසදුම් ලබා ගැනීමට හැකි වුණා. 2028 වසරේදී මොරටුවේ බහුවිධ ප්රවාහන මධ්යස්ථානයක් මෙට්රෝ බස් විදුලි දුම්රිය, දුම්රිය මාර්ග ඇතුළු ඉදි කිරීම් කටයුතු සම්බන්ධයෙන් සාකච්ඡා වුණා. ඉතා දියුණු ප්රවාහන පද්ධතියක් මොරටුවේ ඇති කිරීම සම්බන්ධයෙන් විධිමත් සාකච්ඡාවක් සිදු කළ බවද අමාත්යතුමා සදහන් කළේය.
මොරටුව ඉදි කිරීමට යෝජිත බහුවිධ ප්රවාහන මධ්යස්ථානයේ වර්තමාන තත්වය, මොරටුව නව ගාලු පාර හා මැද පාර අතුරු මාර්ග වැසි ජලයෙන් යටවීම, රාවතාවත්ත වට රවුමේ සිට කොස්පැලෑන පාලම දක්වා මාර්ගය පුළුල් කිරීම, පුවක් අරඹ හංදියේ සිට පහළ ඉදිබැද්ද දක්වා කිලෝමීටර් දෙකක් පමණ මාර්ගය සංවර්ධනය කිරීම, බෙලෙක් කඩේ හංදියේ සිට අඟුලාන හරහා මොරටුව දක්වා බස් රථයක් ධාවනය කිරීමේදී පවතින අවහිරතා ඉවත් කිරීම, ලංකා ගමනා ගමන මණ්ඩලයට අයත්ව තිබු කටුබැද්ද අක්කර 13 ක ඉඩම නිරවුල්කර මොරටුව නගර සංවර්ධනයට යොදා ගැනීම, පිළියන්දල කටුබැද්ද 255 බස් මාර්ගයේ බෝධිරාජ විද්යාලය අසළ මාර්ග බාධක යෙදවීම, ඉදිබැද්ද බස් නැවතුම්පොල ඉදි කිරීම සඳහා ඉඩමක් ලබා ගැනීම, ගාලු පාරේ මැද දුපතේ ආරක්ෂිත වැට විධිමත්ව සකස් කිරීම, අඟුලාන, එගොඩ උයන, මොරටුව, ලුනාව සහ කොරලවැල්ල දුම්රිය ස්ථාන අලංකාරවත්ව හා පිරිසිදුව තබා ගැනීම, කල්දෙමුල්ල සී.පී ද සිල්වා මාවතේ ජලනල එළිම වෙනුවෙන් මාර්ගය කැඩීම සිදු කර ඇති බැවින් එය කඩිනමින් යථා තත්වයට පත් කිරීම, මොරටුව ප්රධාන බස් නැවතුම් පෙළ විධිමත්ව සංවර්ධනය කිරීම, මාර්ග සංවර්ධන අධිකාරිය සතු මාර්ග පද්ධතියේ පවතින බෝක්කු නිසි පරිදි සකස් කිරීම හා මොරටුව බස් නැවතුම් පොළ පරිශ්රයේ හිමිකාරිත්වය යන කරුණු සම්බන්ධයෙන් සාකච්ඡාවේදී අවධානය යොමු විය.
මේ අතර මාර්ග කිහිපයක බස් රථ ධාවනය කිරීම කෙරෙහිද සාකච්ඡා වු අතර, ඒ අනුව බොරුපන එගොඩහේන ලක්සිරි පුර ගල්කිස්ස දක්වා බස් රථය ධාවනයේ යෙදවීම, කල්දෙමුල්ල සිට මොරටුව දක්වා පාසල් බස් රථයක් ලබාදීම සහ විල්ලෝරාවත්ත සිට මොරටුව දක්වා පෙර තිබු බස් රථය ලබාදීම පිළිබඳව අවධානය යොමු විණි.
මොරටුව නව අධිකරණ සංකීර්ණය ඉදි කිරීම සඳහා වෙන් කර ඇති ඉඩම සම්බන්ධයෙන්ද මෙහිදී සාකච්ඡා වු අතර, නව අධිකරණ සංකීර්ණය ඉදි කිරීමේ කටයුතු කඩිනමින් ආරම්භ කිරීමට පියවර ගන්නා බව අධිකරණ අමාත්යවරයා එහිදී සඳහන් කළේය.
මොරටුව මහ නගර සභාවේ නගරාධිපති නිශාන්ත ප්රදිනාන්දු, මොරටුව ප්රාදේශිය ලේකම්, සමන් ප්රසන්න කිරිවත්තුඩුව යන මහත්වරුන් නාගරික මන්ත්රිවරුන්, නාගරික සංවර්ධන අධිකාරිය, පළාත් ප්රවාහන හා මාර්ග සංවර්ධන අධිකාරිය, මොරටුව මහ නගර සභාව, මොරටුව ප්රාදේශිය ලේකම් කාර්යාලය සහ පොලීසිය ඇතුළු රාජ්ය ආයතන නියෝජනය කරමින් උසස් නිලධාරීන් මෙම සාකච්ඡාවට එක්ව සිටියහ.
අධිකරණ සහ ජාතික ඒකාබද්ධතා අමාත්ය, නීතිඥ හර්ෂණ නානායක්කාර මහතා සහ රත්නපුර අධිකරණ නීතිඥ සංගමය අතර සාකච්ඡාවක් ඊයේ (14) පස්වරුවේ එම අධිකරණ සංකීර්ණයේ පිහිටි නීතිඥ පුස්තකාලයේදී පැවැත්විණි.
අධිකරණ කටයුතු පවත්වාගෙන යාමේදී පවතින ගැටළු සහ නීතීඥයින්ට සිය වෘත්තිය සිදු කිරීමේදී මුහුණ දී ඇති ප්රශ්න පිළිබඳව මෙහිදී අවධානය යොමු වු අතර, ඉදිරිපත් කරන ලද ගැටළු සඳහා එකින් එක විසඳුම් ලබා ගත හැකි ආකාරය අධිකරණ අමාත්යතුමා විසින් පැහැදිලි කරන ලදී.
නීතිඥ සංගමයේ නියෝජිතයින් විසින් ගැටළු සම්බන්ධයෙන් කරුණු ඉදිරිපත් කළ අතර, ඒ සඳහා පිළිතුරු ලබා දුන් අධිකරණ අමාත්යතුමා මෙසේ පැවසීය.
“ අධිකරණ පද්ධතියේ පවතින්නේ වසර දෙක තුනක සිට පවතින ගැටළු නොවෙයි. ඒවා වසර පහළොවක පමණ සිට පවතින ගැටළු බව සඳහන් කළ යුතුයි. වත්මන් රජය බලයට පත් වන විට අධිකරණ සහ ජාතික ඒකාබද්ධතා අමාත්යාංශයේ සහ අමාත්යාංශය යටතේ පවතින ආයතනවල අනුමත පුරප්පාඩු හය දහසකට වඩා තිබුණා. පැවති ආර්ථික අර්බුදය හේතුවෙන් බඳවා ගැනීම් සිදු කර තිබුණේ නැහැ. එහෙත් මේ වන විට එම පුරප්පාඩු සඳහා බඳවා ගැනීම් දෙදහසකට වඩා සිදු කිරීමට කටයුතු කර තිබෙනවා. අධිකරණ අමාත්යාංශයේ වගකීම වන්නේ අධිකරණ කටයුතු සඳහා අවශ්ය සියලු පහසුකම් ලබාදීමයි ”
“ අධිකරණ පද්ධතිය ඩිජිටල්කරණය කිරීමේ කටයුතු අගවිනිසුරුතුමාගේ මුලිකත්වයෙන් ශ්රේෂ්ඨාධිකරණ සංකීර්ණයෙන් ආරම්භ කර තිබෙනවා. ඒ ඩිජිටල්කරණ වැඩපිළිවෙළ ව්යාප්ත කිරීමට අවශ්ය තාක්ෂණය අධිකරණ වෙත ලබා දිය යුතුයි. මෙම අධිකරණයේ විනිසුරුතුමන්ලා මුහුණ දී ඇති ගැටළු සම්බන්ධයෙන් සාකච්ඡා කළා. ලඝු ලේඛක කටයුතු වෙනුවෙන් පවතින පුරප්පාඩු වෙනුවෙන් බඳවා ගැනීම් සිදු කරන අතර, ලඝු ලේඛක කටයුතු කටයුතු තාක්ෂණය හරහා සිදු කිරීමට අධිකරණ සහ ජාතික ඒකාබද්ධතා අමාත්යාංශය සහ ඩිජිටල් ආර්ථික කටයුතු අමාත්යාංශය එක්ව යෙදුමක් සම්පාදනය කිරීමට මේ වන විට කටයුතු කරමින් සිටිනවා ” පුරප්පාඩුව පවතින ලඝු ලේඛක බඳවා ගැනීමේ කටයුතු අධිකරණ සේවා කොමිෂන් සභාව විසින් සහ කාර්යාල කාර්ය සහාකයින් බඳවා ගැනීම අධිකරණ අමාත්යාංශය විසින් සිදු කරමින් පවතින බවත්, සියලු ගැටළු වෙනුවෙන් අවශ්ය විසඳුම් ලබාදීමට අවධානය යොමු කරන බවත්, අමාත්යතුමා වැඩිදුරටත් සඳහන් කළේය.
රත්නපුර අධිකරණයේ පවතින සේවක පුරප්පාඩු, දිසා අධිකරණය සඳහා කාර්යාල උපකරණ ලබා ගැනීම, සාක්ෂි මෙහෙයවීමේදී තාක්ෂණික උපකරණ ලබා ගැනීම, නීතිඥ කාර්යාල සංකීර්ණයේ ඉදි කිරීම් සහ දිසා අධිකරණයට වර්ණ ඡායාරූප යන්ත්රයක් ලබා ගැනීම පිළිබඳව සාකච්ඡා කළ අතර, රත්නපුර දිස්ත්රික්කය සඳහා ණය සහන මණ්ඩලයේ කාර්යාලයක් ලබාදීමට සලකා බලන ලෙස නීතිඥවරුන් ඉල්ලීමක් සිදු කළ අතර, ඒ සඳහා විධිමත් පරිදි ඉල්ලීමක් අමාත්යාංශය වෙත යොමු කරන මෙන් අමාත්යතුමා සඳහන් කරන ලදී.
රත්නපුර දිස්ත්රික් පාර්ලිමේන්තු මන්ත්රි වෛද්ය ජනක සේනාරත්න, රත්නපුර නීතිඥ සංගමයේ සභාපති නීතිඥ, එස්.ජී.සේනාරත්න, එම නීතිඥ සංගමයේ ලේකම්, නීතිඥ රත්නමලල බණ්ඩාර, අධිකරණ සහ ජාතික ඒකාබද්ධතා අමාත්යාංශයේ උසස් නිලධාරීන්, රත්නපුර නීතිඥ සංගමයේ සාමාජික මහත්ම මහත්මීන් මෙම සාකච්ඡාවට එක්ව සිටියහ.
එක් එක් දේශපාලන බල අධිකාරීන්ගේ ක්රියා කලාපයන් සහ මතිමතාන්තර නිසා ජනතාවගේ මුදල් නිකරුනේ නාස්තිවෙලා
අධිකරණ ඇමති පවසයි
ගාල්ල බෙලිගහ හංදිය නව අධිකරණ සංකීර්ණයේ නිරීක්ෂණ චාරිකාවක් සඳහා අධිකරණ සහ ජාතික ඒ්කාබද්ධතා අමාත්ය නීතිඥ හර්ෂණ නානායක්කාර මහතා අද (2026.04.23)පෙරවරුවේ එක්විය.
අනතුරුව ශ්රී ලංකා රාජ්ය ඉංජිනේරු සංස්ථාව, ඉංජිනේරු මධ්යම උපදේශන කාර්යාංශය සහ අධිකරණ සහ ජාතික ඒ්කාබද්ධතා අමාත්යංශයේ නිලධාරීන් සමඟ සාකච්ඡාවක නිරත විය. එහිදී අමාත්යවරයා සඳහන් කර සිටියේ අධිකරණ සංකීර්ණයේ ඉතිරි කටයුතු කඩිනමින් අවසන් කර ජූලි මස අවසන් වීමට පෙර නව උසාවි සංකීර්ණයේ රාජකාරී කටයුතු ආරම්භ කිරීමට අවස්ථාව සලසා දෙන ලෙසයි.
2011 පමණ කාලයේ ආරම්භ කල මෙම උසාවි සංකීරණයේ වැඩ කටයුතු මෙම වසර වන විටත් අවසන් කිරීමට නොහැකි වීම අවාසනාවන්ත කරුණක් බව පෙන්වා දුන් අමාත්යවරයා සඳහන් කර සිටියේ එක් එක් දේශපාලන බල අධිකාරීන්ගේ ක්රියා කලාපයන් සහ මතිමතාන්තර නිසා ජනතාවගේ මුදල් නිකරුනේ නාස්ති වී ඇති බවයි.
වර්තමාන රජයේ ක්රියාත්මක කරන වැඩසටහන් හරහා මින් ඉදිරියට එවැනි කටයුතු සිදුවීමට ඉඩ නොතබන බවද අමාත්යවරයා අවධාරණය කල අතර රජයේ ගොඩනැගිලි සකස් කිරීමේදී අනාගතයට සුදුසුවන පරිදි සකස් කිරීම පිලිබදවද සැලකිලිමත් වන ලෙස නිලධාරීන් වෙත උපදෙස් දෙනු ලැබීය.
ගාල්ල දිස්ත්රික් පාර්ලිමේන්තු මන්ත්රිනී හසාරා ලියනගේ මහත්මිය, අධිකරණ සහ ජාතික ඒකාබදධතා අමාත්යාංශයේ අධ්යක්ෂ ජනරාල් ඉංජිනේරු කුසුම් සුභසිංහ, ඉංජිනේරුමය කාර්යන් පිළිබඳ මධ්යම උපදේශන කාර්යාංශයේ අතිරේක සාමාන්යාධිකාරී කළ්යාණි ද සිල්වා ශ්රී ලංකා රාජ්ය ඉංජිනේරු සංස්ථාවේ, ඉංජිනේරුමය කාර්යන් පිලිබඳ මධ්යම උපදේශන කාර්යාංශයේ සහ අධිකරණ අමාත්යාංශයේ නිලධාරීන් පිරිසක් මෙම අවස්ථාවට ඒක විය.
මෙම සාකච්ඡාවෙන් පසුව ගාල්ල බෙලිගහ හංදිය ප්රදේශයේ ඉදිවෙමින් පවතින නව නීතිඥ කාර්යාල සංකීර්ණයේ නිරීක්ෂණ චාරිකාවක් සඳහා ගාල්ල නීතිඥ සංගමයේ සභාපති ආසිරි ද සිල්වා මහතා සහ නීතිඥවරුන් පිරිසක් සමඟ අමාත්යවරයා සහභාගී විය.
2026 සිංහල සහ හින්දු අලුත් අවුරුදු උදාවෙන් පසු රාජකාරී ආරම්භය ගරු අධිකරණ සහ ජාතික ඒකාබද්ධතා අමාත්ය නීතිඥ හර්ෂණ නානායක්කාර මහතාගේ ප්රධානත්වයෙන් අද (2026.04.20) දින අධිකරණ අමාත්යාංශයේදී පැවැත්විණ.
මෙහිදී අමාත්යාංශ කාර්ය මණ්ඩලයට අලුත් අවුරුදු සුභපැතුම් එක් කරමින් ගරු අමාත්යතුමා මෙසේ සඳහන් කලේය.
“අලුත් අවුරුද්දේ සියලුම ප්රශ්ණ, ගැටළු විසදා ගැනීමට අවස්ථාව ලැබෙයි කියලා ප්රාර්ථනා කරනවා. පුද්ගලික ජීවිතයේ අභියෝග තියෙනවා, වෘත්තීය ජීවිතයේත් බොහෝ අභියෝග තියෙනවා කෙසේ වෙතත් අපි සතුටින් ජීවිතය ගත කල යුතුයි. අපි සියළු දෙනා අතින් සුළු සුළු වැරදි වන නමුත් රාජකාරී ජීවිතයේදී කණ්ඩායමක් ලෙස අපි අතින් සිදු වුන සුළු සුළු වැරදි තේරුම් අරගෙන ඒ්වා නිවැරදි කරගනිමින් හිත් රිදීම් පුළුවන් තරම් අවම කරගෙන ඉදිරියට යන ඒක තමයි අපේ සාර්ථකත්වය. මට විශ්වාසයි මේ ගමන අපට යන්න පුළුවන් කියලා.”
අධිකරණ සහ ජාතික ඒකාබද්ධතා අමාත්යාංශයේ ලේකම් අයෙෂා ජිනසේන මෙනවිය, අමාත්යාංශයේ ජ්යේෂ්ඨ නිලධාරීන් ඇතුළු අමාත්යාංශ කාර්ය මණ්ඩලය මෙම අවස්ථාවට එක්විය.
