நீதியும் தேசிய ஒருமைப்பாட்டும் சார்ந்த அமைச்சின் உத்தியோகபூர்வ இணையதளத்திற்கு
உங்களை வரவேற்கின்றோம்

இலங்கை நீதிபதிகள் நிறுவனமானது 1985ம் ஆண்டு 46ம் இலக்க சட்டத்தின் மூலம் நிறுவப்பட்டது. இந்நிறுவனம் கௌரவ பிரதம நீதியரசர் மற்றும் அதமேதகு சனாதிபதியினால் நியமிக்கப்படும் இரு உயர்நீதிமன்ற நீதியரசர்களை உள்ளடக்கிய 5 உறுப்பினர்களைக் கொண்ட முகாமையாளர் சபையினால் நிருவகிக்கப்படுகிறது. இந் நிறுவனத்திற்குத் தேவையான நிதி ஒதுக்கங்கள்  அமைச்சினால் ஒதுக்கப்படுகிறது.

விடயங்களும் பணிகளும்:-

• நீதித்துறை அலுவலர்களுக்கு நீதித்துறை மற்றும் சட்டம் சம்பந்தமாக தமது கருத்துக்களை பரிமாறிக்கொள்வதற்கு வசதி செய்தல்.
• நீதித்துறை அலுவலர்கள் தமது தொழில்சார் நிபுணத்துவத்தை விருத்தி செய்வதற்கும் தமது அறிவையும் திறமைகளையும் விருத்திசெய்வதற்கும் கூட்டங்கள், மகாநாடுகள், விரிவுரைகள் மற்றும் பயிற்சிப்பட்டறைகளை ஒழுங்கு செய்தல்.
• நீதி நிருவாகம் சம்பந்தமான பலதரப்பட்ட விடயங்களில் ஆராய்சிப் பாடநெறிகளை நடாத்துவதுடன் நீதித்துறை அலுவலர்களுக்கு  நூலக வசதிகள் மற்றும் கல்வி சம்பந்தமான பொருட்களை வழங்குதல்.
• நீதிதுறை அலுவலர்களுக்கு நூலக வசதிகளையும் ஏனைய கல்வி சார் பொருட்களையும் வழங்குதல்.

இலங்கை நீதிபதிகள் நிறுவனத்தின் அதிகாரப்பூர்வ இணைய தளத்தை பார்வையிட இங்கே சொடுக்குக

சட்ட உதவி ஆணைக் குழுவானது, 1978 ஆம் ஆண்டு 27 ஆம் இலக்க சட்ட உதவி சட்டத்தின் மூலம் ஸ்தாபிக்கப்பட்டது. ஏழ்மையின் காரணமாக நீதியின் அனுசரணையைப் பெற்றுக் கொள்ள இயலாத இலங்கையின் ஏழை எளிய மக்களுக்கு சட்ட உதவி வழங்குவது இதன் பிரதான குறிக்கோளாகும். குறைந்த வருமானமுடைய மக்களுக்கு இலவசமாக சட்டத்தரணிகளின் உதவியை பெற்றுக் கொடுப்பது, முழு சமூகத்துக்கும் சட்டத்தைப் பற்றிய அறிவூட்டுதல், புதிய சட்ட உருவாக்கத்திலும் சட்ட மீளமைப்பிலும் அரசாங்கத்திற்கு  ஆலோசனை வழங்குதல் என்பன இதன் அடிப்படைச் செயற்பாடுகளாகும்.

சட்டப் பிரிவு

1. நீதியின் அனுசரணையைப் பெற்றுக் கொள்ள இயலாதவர்கள் சார்பாக நீதிமன்றத்தில் ஆஜராவது.
2. எவருக்கும் இலவசமாக சட்ட ஆலோசனை வழங்குவது.
3. புதிய சட்ட உருவாக்கத்திலும் சட்ட மீளமைப்பிலும் அரசாங்கத்திற்கு  ஆலோசனை வழங்குவது.

தலைமைக் காரியாலயத்தின் கீழ் நேரடியாகச் செயற்படும் கொழும்பு சட்ட உதவி மத்திய நிலையம் உள்ளடங்கலாக 77 பிரதேச சட்ட உதவி அலுவலகங்கள் இயங்குகின்றன. நீதிமன்ற சட்ட நடவடிக்கைகளின் போது பிரிவு கிராம உத்தியோகத்தரிடமிருந்து பெறப்படும் வருமான அறிக்கை கவனத்திற் கொள்ளப்படுமாயினும், தாபரிப்பு வழக்குகளில் அது கருத்திற் கொள்ளப்படுவதில்லை.

 இலங்கை சட்ட உதவிகள் ஆணைக்குழு
இல 129, புதுக்கடை வீதி,
கொழும்பு - 12,
இலங்கை.
 +94 115 335 329/ +94 115 335 281
 +94 112 433 618
 இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

இலங்கை சட்ட உதவிகள் ஆணைக்குழுவின் உத்தியோகபூர்வ இணைய தளத்தை பார்வையிட இங்கே சொடுக்குக

1988 ஆம் ஆண்டின் 72 ஆம் இலக்க மத்தியஸ்த  சபைகள் சட்டத்தின் மூலம் மத்தியஸ்த  சபைகள் ஆணைக்குழு தாபிக்கப்பட்டது. அதன் கீழ் இலங்கையின் சகல பிரதேச செயலாளர் பிரிவுகளிலும் மத்தியஸ்த  சபைகளைத் தாபிக்க ஆரம்பிக்கப்பட்டது.  இது நீதிமன்றச் செயற்பாட்டை எளிதாக்கும் நோக்கத்துடன்  பிணக்குளைத் தீர்க்கும் மாற்று வழிமுறையொன்றாக நீதிமன்றங்களுக்கு சமர்ப்பிக்கப்படுகின்ற பிணக்குகளில் சிறு பிணக்குளைத் தீர்ப்பதற்காகத் தயார் செய்யப்பட்ட மிகப்பெறுமதியான செயற்பாடொன்றாக அறிமுகம் செய்யலாம். இதுவரை இலங்கை முழுவதிலும் 329 பிரதேச செயலாளர் பிரிவுகளில் தாபிக்கப்பட்டுள்ள மத்தியஸ்தர்கள் குழாத்துக்களில் சுமார் 8266 மத்தியஸ்தர்கள் சுயேச்சையுடன் பணி புரிகின்றனர்.

மத்தியஸ்த சபைகள் ஆணைக்குழு 05 உறுப்பினர்களைக் கொண்டுள்ளதுடன் அவர்கள் அதிமேதகு சனாதிபதியால் அதி விசேட வர்த்தமானி அறிவித்தல் மூலம் நியமிக்கப்படுகின்றனர். மத்தியஸ்தர்களை நியமித்தல், மாற்றஞ் செய்தல்  மற்றும் அவர்களின் ஒழுக்காற்று நடவடிக்கைகள் போன்றவற்றிற்கான அதிகாரம் மத்தியஸ்த  சபைகள் ஆணைக்குழுவிடம் உள்ளது.

மத்தியஸ்த செயற்பாட்டின் மூலம் இரு திறத்தவர்கள் அல்லது அதற்கு மேற்பட்டோர்களுக்கிடையே ஏற்படுகின்ற பிணக்குளைத் தீர்த்துக் கொள்வதற்காக மூன்றாம் திறத்தவராக மத்தியஸ்தர்கள் செயற்படுகின்றனர்.

ஒவ்வொரு ஆண்டிலும் மத்தியஸ்த சபைகளிடம் ஆற்றுப்படுத்தப்படுகின்ற பிணக்குகளின் அதிகரிப்பானது சமுதாயம் தமது பிணக்குகளைத் தீர்த்துக்கொள்வதற்கு இலகுவான மற்றும் குறைந்த செலவுப் பொறிமுறையொன்றாக மத்தியஸ்தத்தை ஏற்றுக்கொண்டுள்ளமைக்கு சான்றாகவுள்ளது. மத்தியஸ்த சபைகளுக்கு ஆற்றுப்படுத்தப்படும்  பிணக்குகளின் எண்ணிக்கை நூறாயிரத்தை விட அதிகதித்துள்ளமை இதனை நிரூபிக்கிறது.

more detail click website: http://mediation.gov.lk/